Dokumentet sekrete, avokatët mbrojnë Biden: Ia kemi dorëzuar ‘Drejtësisë’

Pesë faqe të tjera material të klasifikuar janë gjetur në shtëpinë e presidentit Joe Biden në Delauer.

Avokatët e tij deklaruan se dokumentet i janë dorëzuar Departamentit të Drejtësisë.

“Presidenti ka rikthyer besimin tek Departamenti i Drejtësisë. Kjo është ajo që po bëjmë kur themi se do t’i referohemi Departamentit të Drejtësisë, restaurimi i pavarësisë së tij për çështje të tilla. Dhe kjo është e rëndësishme për presidentin. Ajo që unë po them lidhur me hetimin ka qenë konsistente për dy vitet e fundit. Ju më keni dëgjuar të them shpesh herë kur bëhet fjalë për çështje ligjore apo të ngjashme me këtë, se ne i jemi referuar gjithmonë Departamentit të Drejtësisë. Ndaj nuk këtë aspekt s’ndryshon asgjë”, tha Karine Jean Pierre, zëdhënëse e Shtëpisë së Bardhë.

Avokatët e presidentit Biden kanë deklaruar se dokumentet lidhen me kohën kur ai ka qenë zëvendës i Barack Obama. Sidoqoftë, një hetues i posaçëm po mbikëqyr menaxhimin e dokumenteve nga kreu i shtetit.

LEXONI GJITHASHTU:

• Telashe për Joe Biden? Presidenti në vështirësi pas gjetjes së dokumenteve të reja
• Biden në aferën e dokumenteve sekrete| Pse gjetjet janë në interes të republikanëve