Biden në aferën e dokumenteve sekrete| Pse gjetjet janë në interes të republikanëve
Avokatët e presidentit amerikan Joe Biden kanë gjetur një grup të ri dokumentesh konfidenciale, pasi pranuan disa ditë më parë se dosje të tilla u zbuluan në zyrën private të Biden vjeshtën e kaluar.
Dokumentet datojnë në periudhën kur Biden shërbente si zv. president dhe zbulimi shkaktoi reagime të shumta te republikanët të cilët tani kërkojnë që autoritetet të merren me Biden në të njëjtën mënyrë si me ish-presidentin Donald Trump.
Zbulimi fillestar i dokumenteve të klasifikuara në ish-zyrën e Biden nxiti një kërkim për vende të tjera ku mund të ishin lënë dokumente nga koha e tij si zv. president. Nuk dihet ende se kur dhe ku i gjetën avokatët e Biden dokumentet shtesë.
Nuk ka asnjë informacion se çfarë përmban ky grup i dytë dokumentesh dhe kur bëhet fjalë për të parin, gazetarët e CBS News pretendojnë se ato nuk përmbajnë sekrete bërthamore, ndërsa CNN jep informacione disi më të detajuara, ku thuhet se ka memorandume nga inteligjenca amerikane, shërbimet dhe materialet për informime, të cilat i referohen Ukrainës, Iranit dhe Britanisë së Madhe.
Kryetari i ri republikan i Komisionit për Mbikëqyrjen e Agjencive Qeveritare, James Comer, tha se ky organ është “i shqetësuar se presidenti Biden ka komprometuar burimet e inteligjencës”, raporton BBC.
Comer i ka kërkuar Shtëpisë së Bardhë që të dorëzojë dokumentet dhe komunikimet e saj në lidhje me materialet e klasifikuara, si dhe një listë të njerëzve që kishin akses në atë hapësirë zyre, deri më 24 janar.
Është interesante se zbulimi i materialeve të klasifikuara vjen në një kohë kur prokurori special Jack Smith po heton ish-presidentin Donald Trump për keqpërdorim të mundshëm të dokumenteve të klasifikuara në resortin e tij Mar-a-Lago në Florida. Hetuesit federalë sekuestruan të paktën 325 dokumente të klasifikuara nga Trump si pjesë e hetimit të tyre.
LEXONI GJITHASHTU:
Kryefaqja
Sulmet me dronë ukrainasë goditën rafineritë jugore ruse dhe portin e Azovit
Festimet për fitoren e Francës kthehen në tragjedi, 17-vjeçarja bie nga kamioni dhe shtypet prej tij
Trump: Ja udhëzimi që kam lënë nëse Irani ndërmerr një sulm ndaj meje
- 20:57 Ambasadori i OSBE: Një muaj protesta pa incidente të rënda, kjo është demokraci dhe më gëzon
- 20:49 AMP arreston një efektiv në Dibër, dyshohet se nuk kreu veprimet pas largimit të një personi në “arrest shtëpie”
- 20:31 Bllokohet një dërgesë me ndihma për shqiptarët në Luginën e Preshevës, akuzohen autoritetet serbe
- 20:13 ‘Rilindja Urbane 2.0’ Shoqata e të Zgjedhurve Vendorë: Nuk duam fasada, kërkojmë decentralizim real
- 19:48 Protesta në Tiranë hyn në ditën e 41-të, aktivistët dhe qytetarët mblidhen para Kryeministrisë
- 19:39 Shqipëria dhe Mali i Zi do të mbyllin të martën kapituj të tjerë në bisedimet për anëtarësim në BE