90 mijë shtëpi pa energji elektrike në Francë, anulohen udhëtimet me tren

Stuhia dimërore Gerard goditi veriperëndimin e Francës, duke lënë 90 mijë familje pa energji elektrike dhe duke anuluar trafikun hekurudhor.

Prefekturat e 22 departamenteve shpallën një paralajmërim portokalli të motit, i cili është niveli i dytë më i lartë i paralajmërimit dhe i bëri thirrje popullatës që të përmbahet nga udhëtimet, raporton e përditshmja e Parisit Monde.

Në një deklaratë të shërbimit meteorologjik francez Meteo France, thuhet se vendndodhja dhe intensiteti i ndikimeve më të forta të stuhisë nuk janë përcaktuar ende saktësisht.

Meteo-France u ka bërë thirrje qytetarëve që të jenë të kujdesshëm dhe të kufizojnë lëvizjet e tyre gjatë goditjes së stuhisë Gerard, e cila pritet të kalojë sot mbi Brittany, Normandi dhe disa rajone të tjera të cenueshme.

Sipas parashikimit të Meteo-France, stuhia do të godasë sot edhe brigjet e Kanalit anglez.

Figaro franceze raporton se në disa pjesë të Normandisë trafiku është i vështirë për shkak të pemëve të rrëzuara në rrugë, kryesisht në shina hekurudhore.

Në jugperëndim të vendit parashikohen reshje të dendura shiu, kurse në male reshje të dendura bore.

LEXONI GJITHASHTU:

• Shefi i energjisë në Katar: Evropa do t’i kthehet gazit rus
• Fotogaleri| Mijëra shtëpi në Kaliforni pa energji për shkak të stuhisë