Vuçiç: SHBA-të nuk janë në anën e Serbisë, kanë përqëndruar forcat kundër Rusisë

Presidenti i Serbisë, Aleksandar Vuçiç deklaroi se është shumë e rëndësishme që Serbia të ketë marrëdhënie të mira me Amerikën, edhe pse kjo mund t’i mos i pëlqejë dikujt.

Vuçiç u shpreh se amerikanët, aktualisht nuk nuk janë në anën e Serbisë, por po përqëndrojnë forcat e tyre kundër Rusisë, shkruan Euronews Serbia.

“Amerikanët tani nuk janë në anën e Serbisë, por po shikojnë se si të sillen në mënyrë racionale dhe serioze dhe të mos humbasin forcën dhe energjinë tek dikush tjetër, sepse të gjitha forcat i kanë përqendruar kundër Rusisë.

Kjo është shumë logjike, racionale, sjellje e zgjuar dhe e përgjegjshme. Dhe a mund ta përdorim taktikisht, ndoshta, por strategjikisht jo lehtë, por sido që të jetë, marrëdhëniet e mira me Amerikën janë të rëndësishme për ne, pavarësisht nëse dikujt i pëlqen apo jo”, theksoi ai.

Sipas tij, NATO  nuk e e respekton rezolutën 1244,

“Ne kemi një problem sepse NATO nuk e respekton rezolutën 1244 dhe nuk ka lejuar kthimin e forcave serbe”, shtoi Vuçiç.