Komiteti Shqiptar i Helsinkit, Prroni: Ka probleme me transparencën dhe depolitizimin e KQZ-së

Daniel Prroni, koordinator në Komitetin Shqiptar të Helsinkit në një intervistë për Euronews Albania foli rreth kodit zgjedhor të cilin e konsideron antikushtetues.

Ai shprehu shqetësimin për formulimin e nenit 67 që trajton të drejtat e kandidimit.

“Pavarësisht se konsensusi është i nevojshëm dhe i shëndetshëm për të arritur në një dakordësi midis palëve kurdoherë kjo marrëdhënie midis tyre duhet të zhvillohet brena një kuadri ligjor dhe në përputhje me standartet ndërkombëtare”,- u shpreh Prroni.

Ai sqaroi se mungesa e një teksti zyrtar të këtyre ndryshimeve të bëra nuk ju bën të mundur mbikëqyrjen e këtyre ndryshimeve.

“Në momentin e të paturit një dokument zyrtar Komiteti Shqiptar i Helsinkit do të finalizojë raportin e vet dhe do të publikojë gjetjet e tij”,- tha ai.

Daniel Prroni nuk la pa përmendur se për ngritjen e KQZ-së  po finalizohen gjetjet dhe tha për Euronews Albania se  janë ngritur problematika në lidhje me transparencën e këtij procesi si dhe me depolitizimin e strukturave të KQZ-së.

Lexoni gjithashtu:

 Kodi zgjedhor, Rama: Presidenti bën mirë ta firmosë ose ta kthejë sa më parë, ne do ta votojmë po njësoj

Fushata elektorale, Kodi Zgjedhor filtron materialet me kaseta