Ministri Çeku takon Infantinon: Lajme të mira për futbollin e Kosovës nga FIFA

Ministri i Kulturës, Rinisë dhe Sportit, të Kosovës, Hajrulla Çeku ka takuar këtë të premte presidentin e FIFA-s, Gianni Infantino.

Lajmi u bë me dije nga vetë ministri Çeku, i cili përmes një postimi në facebook tha se takimi u zhvillua në Zyrih të Zvicrës. Çeku tha se në qendër të diskutimit ishte financimi i infrastrukturës së sportit në Kosovë, konkretisht për planin e përbashkët 5-vjeçar për renovimin e stadiumeve ekzistuese dhe ndërtimin e atyre të reja.

“Lajme të mira për futbollin e Kosovës nga FIFA

Në vazhdën e takimeve për sport, në Cyrih të Zvicrës u pritëm nga Gianni Infantino, i pari i FIFA-s. Në takimin e zhvilluar me të, së bashku me Presidentin e Federatës së Futbollit të Kosovës, Agim Ademi, diskutuam për zhvillimin e infrastrukturës sonë sportive, konkretisht për planin e përbashkët 5-vjeçar për renovimin e stadiumeve ekzistuese dhe ndërtimin e stadiumeve të reja në vend.

Ndërtimi i urave të bashkëpunimit u theksua nga Presidenti i FIFAS-s, duke shtuar se do të gjejnë rrugë për mbështetje financiare për projektet e tilla madhore që ngritin kapacitetet e sportistëve kosovarë për arritjen e rezultateve kulminante në arenën ndërkombëtare”, shkruan çeku në facebook.

LEXONI GJITHASHTU

• Shqipëria Medalje Ari në ski, Lara Colturi kampione Bote
• Ekskluzive/ Oriku gjen ‘shpëtimtarin’, transferon mbrojtësin nga Brazili