Udhëtimet e Ramës, Berisha: Po bllokon qëllimisht komisionin hetimor

Sali Berisha ka akuzuar kryeministrin Rama se po bllokon qëllimisht ngritjen e një komisioni hetimor që do të hetojë 137 udhëtimet e kreut të qeverisë me charter.

Kryedemorkrati Berisha tha se ka dyshime dhe indicie se Rama e ka përdorur avionin për qëllime të dyshimta dhe i druhet një hetimi të hollësishëm.

Sipas Berishës, dyshimet bëhen edhe më të forta, kur statistikat tregojnë që Shqipëria ka rritur importet me Kolumbinë në të paktën 60%.

Ai akuzoi kryeministrin Rama se po ndërhyn në edhe në gjykatën Kushtetuese në mënyrë që të shpëtojë mandatin e Ministres Olta Xhaçka, e cila akuzohet për konflikt interesi, pasi bashkëshorti i saj u shpall investitor strategjik nga qeveria

LEXONI GJITHASHTU:

• Gashi: Rama njeriu me i pasur në vend, vetëm po të jeni budallenj nuk e dini këtë 
• Berisha: Dënoj me ashpërsi mbrojtjen që Rama i bëri Putinit në Davos