Shembet ndërtesa 15 katëshe në Siri, humbin jetën 16 persona

Një ngjarje e rëndë ka ndodhur në Siri, ku 16 persona kanë humbur jetë si pasojë e shembjes së ndërtesës në një lagje të Alepos, qyteti i dytë më i madh i Sirisë , sipas burimeve lokale.

Mediat e huaja bëjnë me dije se ndërtesa 15 katëshe u shemb në orët e para të mëngjesit ndërsa banorët ishin në gjumë.

Bëhet e ditur se brenda objektit jetonin 7 familje ndërsa është e paqartë se sa persona ndodheshin brenda në saj në momentin kur ndodhi ngjarja.

Nga rrënojat u nxorrën të gjallë 4 fëmijë.

Ekipet e shpëtimit, forcat e mbrojtjes civile dhe zjarrfikësit po vazhdojnë operacionet e kërkimit për të gjetur persona të tjerë të zhdukur në rrënoja.

LEXONI GJITHASHTU: 

• Shkatërrohen fabrikat e duhanit të paligjshëm në Spanjë, 27 ukrasinas të arrestuar
• U denoncuan të humbura në Dibër, gjenden në Tiranë tri të miturat