Djegia e kuranit shkakton kaos në Suedi, pedagogu: E konsiderojnë liri të shprehjes

Pedagogu shqiptar në Suedi, Armend Bekaj, komentoi për Euronews Albania, tensionet e lindura në vendin nordik pas djegies së kuranit nga deputeti i ekstremit të djathtë, Rasmus Paludan.

Bekaj tha se kryeministrui i vendit Ulf Kristersson, dënoi aktin, por deklaroi se veprimi është një liri e shprehjes e garantuar nga Kushtetua e vendit, duke ngjallur dhe reagime të forta nga vendet myslimane.

Sipas pedagogut, veprimi i djegies së kuranit mund ta shtyjë anëtarësimin në NATO të Suedisë dhe Finlandës drejt një kohë të pacaktuar, për shkak të përshkallëzimit të marrëdhënieve me Turqinë.

“Është pak për tu çuditur, por sa i përket Suedisë, sistemit politik këtu është e drejta e shprehjes së lirë e grantuar me ligj dhe Kushtetutë dhe duke filluar nga vetë kryeministri Ulf Kristersson dhe disa politikanë të tjerë nuk u dakorduan me një veprim të tillë dhe e dënuan si tepër mosrespektues ndaj komunitetit mysliman, prapësëprapë ata thanë që kjo është është liri e shprehjes një nga liritë fondamentale.

Kjo solli reagime në Turqi, solli reagime nga organizata e Këshillit Islamik, nga vende si Maroku dhe vende të tjera të Lindjes së Mesme dhe Afrikës së Veriut. Është për t’u brengosur dhe kjo mund të rezultojë për shtyrjen me një fattë pacaktuar të Suedisë dhe Norvegjisë në NATO, pasi nevojitet ratifikimi në parlamentin turk”, tha pedagogu.

LEXO GJITHASHTU:

• Protesta në Stamboll pasi politikani suedez djeg Kuranin në Stokholm 
• Protesta kundër Turqisë në Suedi nxit tensione të reja