‘Skandalet me Berishajn dhe Ivanoviçin’, Andixhiku: Kërkojmë shkarkimin e Kurtit

Kryetari i Lidhjes Demokratike të Kosovës, Lumir Abdixhiku ka kritikuar sërish qeverinë e Kosoës lidhur me çështjen e ambasadorit Martin Berishaj dhe Oliver Ivanoviçit.

Përmes një postimi në rrjetet sociale, Abdixhiku u shpreh se është ende në pritje të veprimeve, teksa se qeveria po amniston Martin Berishajn dhe po rehabilition Oliver Ivanoviçin.

Ai ka kërkuar shkarkimin e kryeministrit Albin Kurti.

Në përvjetorin e pestë të vdekjes së Ivanoviçit, Kurti postoi një video-mesazh, ku theksonte se ai ishte një luftëtar i përkushtuar për interesat e vendit.

Postimi i plotë i Abdixhikut

Amnistues të Martin Berishaj.

Rehabilitues të Oliver Ivanoviq.

Ende në pritje të veprimeve.

– I pari na vie si një skandal korruptiv nga i cili distancohen secili politikan nē Slloveni, por tek i cili bashkohen secili pushtetar në Kosovë. Martin Berishaj ka tërhequr plot 1.4 milionë euro para të gatshme në njërën nga bankat e Prishtinës. Paratë janë transferuar nga kompania energjetike ‘GEN-I’ me seli në Beograd. Këto mjete e ky biznes janë mbajtur fshehtë. Prandaj ambasadori ka dy kallëzime të ndara penale. Një për shpëlarje parash e shmangie tatimesh; dhe një për fshehje të pasurisë. Ai vazhdon të merr mbrojtjen e parezervë të pushtetarëve vetëm sepse ka lidhje të ngushta politike me ta. Ligji për shokë të pushtetit vazhdon të mos vlejë.

– I dyti na vie si rehabilitim i një krimineli lufte. Oliver Ivanoviq ka qenë i dënuar me 9 vite burgim për vrasjen dhe përndjekjen e shqiptarëve civil në veri të vendit. Si prijës i formacionit famëkeq ‘Rojat e Urës’ ai kishte organizuar dhe urdhëruar vrasjen e 31 civilëve shqiptarë para dhe pas luftës. Sot, ai cilësohet nga pushteti si ‘njeriu që punoi për një të ardhme të qëndrueshme e një Kosovë shumë etnike’. 31 civil të vrarë! 31 shqiptarë të vrarë nga njeriu multietnik i pushtetit. Çfarë mund të jetë më e dhimbshme se kaq?

A është ky ndryshimi për të cilin Kosova ka patur nevojë? Që të amnistohen të korruptuarit vetem sepse kanë lidhje me pushtet, e të rehabilitohen kriminelët e luftës e pasluftës sepse tani janë në pushtet. Çfarë i bën të ndryshëm këta popullistë nga e mbrapshtja që kishte ngufatur këtë vend?

Skandalet si këto s’mund të kalohen në heshtje. Ato s’mund të mbyten as nga zhurma e paaftësisë së pushtetit. Do të vazhdojmë të kërkojmë shkarkim për të parin e kërkimfalje për lartnimin e dhimbshëm të të fundit.

Kosova meriton më mirë; Kosova mundet më shumë!

LEXONI GJITHASHTU

• Nis seanca e qeverisë së Serbisë, Vuçiç raporton për propozimin evropian për Kosovën
• Vuçiç drejt dorëheqjes? Çfarë pritet të deklarojë sot para popullit serb
• Mediat serbe: Aleksandër Vuçiç mund të japë dorëheqjen