Plagosi me thikë 15-vjeçarin në Pogradec, arrestohet autori

Një 17-vjeçar është vënë në pranga nga policia e Pogradecit pasi plagosi me thikë gjatë një konflikti një 15-vjeçar.

Policia tha se rreth orës 18:15 të së martës, në Spitalin e Pogradecit ka shkuar për mjekim një 15-vjeçar, banues në Pogradec, i cili dyshohet që gjatë një konflikti fizik me shtetasin N. M., 17 vjeç, banues në Pogradec, është dëmtuar me mjet prerës.

Autori i dyshuar, shtetasi N. M, është kapur nga shërbimet e Policisë menjëherë pas ngjarjes dhe ndodhet i shoqëruar në ambientin e Komisariatit të Policisë Pogradec, për veprime të mëtejshme procedurale.

Sipas informacioneve paraprake bëhet me dije se shkaku i konfliktit midis të miturve është një vajzë.

Momentalisht policia ndodhet në vendin e ngjarjes dhe terren për të gjetur thikën që është përdorur për të plagosur 15-vjeçarin, pasi autori e ka hedhur atë teksa është përpjekur të largohet nga vendi i ngjarjes.

LEXONI GJITHASHTU:

• Plagoset me thikë 43 vjeçari në Sarandë, në kërkim autori
• Sherr me thika në Durrës, plagoset 38-vjeçari