Liga Profesioniste vendos të hënën, pritet që të rikthehet futbolli në Shqipëri

Presidenti i Ligës profesioniste, Edvin Libohova, Presidenti i Federatës Shqiptare të Futbollit dhe përfaqësuesit e dhjetë klubeve të Superiores do të shohin mundësinë për të filluar kampionatin e futbollit, që bojkotohet për më shumë se një muaj.

Premisat janë pozitive dhe klubet pritet që të marrin vendimin për të rikthyer aktivitetin.

Një ditë më pas, do të jenë përfaqësuesit e Ligës dhe përfaqësuesit e ministrisë ata që do të diskutojnë mbi zgjidhjen e katër kërkesave që janë propozuar nga klubet shqiptare.

Ligji i sponsorizonit pritet që të jetë ai që do të kërkohet me ngulm, ndërsa në anën tjetër do të negociohet për uljen e TVSH në 6%, faljen e gjobave dhe kamatëvonesave për detyrimet fiskale dhe tatimore si dhe heqjen e tatimit mbi të ardhurat personale për sportistët për 10 vite, edhe pse dy pikat e fundit janë theksuar nga ministrja Anila Denaj se është diçka e vështirë për tu realizuar.

Burime të Euronews Albania bëjnë me dije se klubet kanë nisur përgatitjet për rikthimin në javën që vjen. Megjithatë, vendimi do të merret në mbledhjen e së hënës, ku nuk përjashtohet asnjë mundësi. 

Lexoni gjithashtu:

Shuhet legjenda e atletikës, Vildan Tufi ndahet nga jeta pas një sëmundjeje të rëndë

Të gjithë sytë nga “Derbi i Madoninës”, me interes përballja Ibrahimoviç-Lukaku