Vizita e Dendias në Tiranë, Aleksandër Marku: Gazetarët po nxisin opinion keqdashës ndaj fqinjëve

Në një intervistë për Euronews Albania, Aleksandër Marku, kryeredaktor në televizionin grek ERT3 ka folur për vizitën e Ministrit të Jashtëm grek Dendias në Tiranë përqëndruar te çështja e detit dhe pritshmëritë e Athinës zyrtare lidhur me këtë çështje.

Sipas tij këto pritshmëri janë pozitive sa i përket dërgimit të çështjes në Gjykatën e Hagës. Sipas tij Athina konsideron të rëndësishëm vendimin e kësaj Gjykate për ndarjen e territorit detar mes Shqipërisë dhe Greqisë.

“Pavarësisht se shumica e gazetarëve bën ekspertin, duhet të dëgjojmë ekspertët sepse shpesh herë ngatërrohet shelfi kontinental me zonën ekonomike ekskluzive dhe ka një keqinformim të opinionit publik çka nxit dhe opinionin keqdashës sa u përket fqinjëve”,- u shpreh Marku.

Ai cilësoi si fjalë kyçe, fjalën ‘qasje’ për të cilën theksoi se kurrë nuk ka pasur një qasje kaq të madhe sa këto katër- pesë vitet e fundit mes dy vendeve për të zgjidhur problemet që kanë ngelur edhe nga e kaluara.

Gazetari apeloi për zgjidhjen e problemeve me maturi dhe pjekuri, pa frymën keqdashëse duke sjellë në vëmendje se jemi popuj fqinj e se marrëdhëniet duhet të sheshohen.

Lexoni gjithashtu: 

Ministri i Jashtëm grek nesër në Tiranë, PDIU fton qytetarët në protestë për çështjen çame

PDIU përplaset me policinë jashtë ministrisë së Jashtme në protestë kundër vizitës së Dendias në Shqipëri

Ministri i jashtëm grek Dendias e nis vizitën zyrtare në Tiranë mes protestave nga çamët