Konflikti në Ukrainë rriti karburantet dhe ushqimet

Kur po behet gati një vit nga nisja e luftës ne Ukraine, efektet e konfliktit u ndjenë ne mënyre indirekte dhe ne Shqipëri.

Rritja e çmimeve te ushqimeve dhe karburanteve preken me se shumti qytetaret shqiptare.

Shqipëria nuk është afër gjeografikisht me Ukrainën, por efektet e konfliktit janë ndjerë që në ditët e para të luftës. Rritja e çmimeve të karburanteve dhe ushqimeve, solli brenda pak muajve rritje të gjithë produkteve të tjera, duke përfshirë sektorin e ndërtimit, një prej më të rëndësishmëve në Shqipëri.

Të dhënat e institutit të statistikave tregojnë për rritje të çmimeve të ushqimeve deri në 12 %. 

Ekspertët thonë se shkaku kryesor i rritjes së çmimeve është fakti se ekonomia shqiptare bazohet jo të prodhimi vendas, por te importi i shumicës së produkteve nga vendet e tjera.

Për të frenuar abuzimet qeveria vendosi ngritjen e bordeve që do mbanin nën kontroll rritjen çmimet të karburanteve dhe ushqimeve. Ndërsa për energjisë elektrike çmimi i energjisë elektrike, çmimi nuk u rrit.

Sipas raportit të Bankës së Shqipërisë, në muajin dhjetor inflacioni arriti në 8%. Kjo është shifra më e lartë që nga viti 1998, kur vendi pësoi kolaps ekonomik për shkak të skemave piramidale.

LEXONI GJITHASHTU:

• Ana Kodra, artistja e re me 30 çmime të para ndërkombëtare
• Inflacioni në Itali më i larti që nga viti 1985