Rama sërish apel naftëtarëve: Dilni nga greva dhe vij vetë të negociojmë

Për të tretën herë brenda pesë ditëve, kryeministri Edi Rama iu drejtua të premten naftëtarëve të rafinerisë së Ballshit duke u bërë thirrje që ata ta ndërpresin grevën e urisë.

Rama shkroi në Twitter se ishte i gatshëm të diskutonte me naftëtarët për zgjidhjen e situatës, por “pa ultimatume dhe presione”.

“Dilni nga greva dhe do vij unë vetë tek ju menjëherë,” – shkroi kryeministri.

Unë jo vetëm nuk po hesht por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë:Dilni nga greva dhe do vij unë vetë tek ju menjëherë.

— Edi Rama (@ediramaal) October 23, 2020

Në dy apelet e mëparshme të kryeministrit naftëtarët janë përgjigjur se janë të gatshëm të bisedojnë për zgjidhjen e situatës, por paralelisht do ta vazhdojnë grevën.

Prej rreth një muaji naftëtarët e rafinerisë kanë hyrë në grevë urije. Javën e fundit atë e kanë vijuar gratë, ndrëkohë që shumë prej tyre kanë vuajtur ndërlikime shëndetësore.

Punonjësit e rafinerisë së Ballshit kërkojnë dhjetëra paga të pashlyera dhe rinisjen e punës.

Lexoni gjithashtu:

Naftëtaret e Ballshit nuk tërhiqen, kërkojnë zgjidhje nga Rama dhe Balluku

Debat i fortë mes Ballukut dhe Sejaminit për naftëtarët e Ballshit