Gra që gatuajnë në rrugë, pamje të trishta nga Turqia

Kjo është situata në Turqi, në këto momente.

Gazetarja Ortensa Budlla, ka arritur të kontaktojë me disa banorë në vendet e prekura. Në pamje shihen gratë dhe vajzat të cilat po gatuajnë në rrugë për personat e prekur nga tërmeti.

Rrugët e shkatërruara thuajse plotësisht kanë penguar qarkullimin dhe kushtet e vështira klimatike e bëjnë edhe më të vështirë procesin e shpëtimit.

Nderkohë në të tjera filmime, janë ndihmat e ardhura për të dëmtuarit dhe kampet e ngritura.

Një tërmet tragjik goditi Turqinë mëngjesin e së hënës duke shkaktuar mbi 5000 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja.

LEXONI GJITHASHTU:

• Bota në ndihmë të Turqisë, Perëndimi dhe Lindja bashkohen në operacionet e shpëtimit
• UNICEF: Mijëra fëmijë mund të jenë vrarë nga tërmetet në Turqi dhe Siri