Brenda rrënojave në Antakya, Euronews siguron videon e shpëtimit të 3 personave

Ekipi i Euronews Albania ndodhet këtë të mërkurë në qytetin e Antakyas në Turqi, në zonën e Hatayt, një nga më të prekurat nga tërmeti i 6 shkurtit që goditi vendin.

Gazetari Ardit Hoxha dhe operatori Kudret Plaku kanë mundur të sigurojnë një video gjatë shpëtimit të 3 personave të gjallë nga rrënojat e një ndërtese.

Nga pamjet shihet mjaft qartë kur nga rrënojat dalin me barrel trupat e tre personave, mes tyre një vajzë 15-vjeçare.

Tërmeti me magnitudë 7.8 ballë, ra në orët e para të mëngjesit të së hënës pranë qytetit të Gaziantepit, në jug të Turqisë. Disa orë më vonë, ndërsa njerëzit ishin ende në kërkim të të mbijetuarve në rrënoja, pati një tërmet me përmasa të ngjashme, 100 km në veri.

Intensiteti i lëkundjeve rrëzoi gjithashtu blloqe kullash dhe ndërtesa publike në veri të Sirisë dhe u ndje deri në Qipro dhe Liban.

Si pasojë e tërmetit janë raportuar aktualisht mbi 21 viktima, ndërkohë që numri i tyre pritet të rritet për shkak të numrit të madhe të personave që ndodhen ende nën rrënoja.

LEXONI GJITHASHTU: 

• Nxirret i gjallë nga rrënojat burri në Turqi, momenti emocionues kur e puth i ati
• “Mrekullitë ekzistojnë” Familja shpëtohet pas 100 orësh në rrënoja, ja si mbijetuan
• VIDEO/ Ekipi i Euronews në Atakya, gjithçka i ngjan një zone lufte të shkatërruar