Mblidhet Liga Profesioniste, pritet reagimi i qeverisë dhe rikthimi i futbollit

Klubet e kategorisë superiore do të mblidhen mesditën e sotme për të folur në lidhje me vendimin për vazhdimin e bojkotit ose jo.

Liga Profesioniste do të diskutojë mbi mundësinë e rikthimit të aktiviteti pas takimit që presidenti i FSHF-së, Armand Duka dhe kryeministri Edi Rama patën të premten.

Duka tregoi pas takimit se kryeministri do të pranojë draftin e propozuar nga Liga për ligjin e sponsorizimit, çka është dhe pika kryesore e kërkesave të klubeve të Superiores.

Gazetari i Euronews Albania Jurgen Zela raportoi live nga Air Albania e cilësoi këtë një ditë vendimtare pasi siç tha gjërat tashmë kanë ndryshuar dhe është arritur në një farë mënyre marrëveshje mes përfaqësuese të Ministrisë së Ekonomisë dhe Ligës.

Vetë kreu i FSHF, Armando Duka ka pasur një takim me kryeministrin Edi Rama ditën e premte ku është diskutuar ligji i sponsporizimit.

Premisat janë që javën që vjen futbolli të kthehet në fushë.