Demokratët e Durrësit, Vlorës e Gjirokastrës nisen drejt Tiranës për protestën

Opozita organizon sot protestën e katërt, në atë që e ka paralajmëruar prej kohësh se do të jetë një “stinë” protestash kundër qeverisë.

Mbi 1500 efektivë policie do të jenë në terren për të siguruar mbarëvajtjen e kësaj proteste. Në ndihmë të efektivëve të policisë do të vihen edhe efektivë të forcave Speciale RENEA, si Forcat e Ndërhyrjes së Shpejtë, për të menaxhuar turmën e protestueseve në rast të një skenari të dhunshëm.

Simpatizantët e PD në rrethe janë organizuar me automjete private dhe autobusë për të marrë pjesë në protestën e thirrur nga Sali Berisha.

Gazetarja e Euronews Albania në Durrës Kloida Gjuzi tha se demokratët e Durrësit nuk kanë pasur organizime të posaçme nga dega e PD, por qytetarët janë organizuar në mënyrë individuale. Janë 2000 demokratë durrsakë që pritet t’i bashkohen protestës.

Në Gjirokastër pjesa më e madhe e simpatizantëve kanë udhëtuar drejt Tiranës me automjete private.

Demokratë e Vlorës kanë nisur që në orët e para të mëngjesit të grumbullohen për tu nisur drejt protestës në Tiranë.

Gazetarja e Euronews Albania në Vlorë, Ebrieta Maçaj tha se janë në 1100 protestues që janë nisur nga bashkia e Vlorës, me 203 automjete

LEXONI GJITHASHTU:

• Protesta e opozitës, nis blindimi i dyerve të Kryeministrisë
• Protesta, 1500 policë në terren, në ndihmë të tyre RENEA e FNSH. Rrugët e bllokuara