Kodi Zgjedhor, komisioneri Varhelyi: Parlamenti të presë opinionin e Komisionit të Venecias

Komisioneri për zgjerim dhe fqinjësi të mirë në Bashkimin Evropian, Oliver Varhelyi, i ka bërë thirrje shumicës socialiste të presë opinionin e Komisionit të Venecias përpara se të vendosë për të rivotuar ndryshimet e bëra më 5 tetor të Kodit Zgjedhor.

Përmes një postimi në Twitter, Varhelyi është shprehur mirë-besues se Komisioni i Venecias do t’i japë një këshillë të shpejtë ligjvënësve shqiptarë për implemtimin e ndryshimeve kushtetuese të 30 korrikut.

“Përpara rivotimit, parlamenti duhet të presë dhe të marrë në konsideratë këto këshilla. Shoh përpara për zgjedhje të lira dhe të ndershme në prill 2021,” – u shpreh Varhelyi.

#Albania electoral code: I trust @VeniceComm will provide swift advice to Albanian stakeholders on the implementation of Constitutional Changes of 30 July. Parliament should consider waiting w revote to take this advice into account. Look fwd to free&fair elections in April 2021.

— Oliver Varhelyi (@OliverVarhelyi) October 26, 2020

Komenti i komisionerit të BE-së erdhi pak pasi Presidenti Ilir Meta bëri me dije tetë pyetjet që i kishte adresuar Komisionit të Venecias pasi kishte dekretuar kthimin për rishqyrtim të ndryshimeve në Kodin Zgjedhor.

Lexoni gjithashtu:

Ndryshimet e Kodit Zgjedhor, Meta tetë pyetje Komisionit të Venecias për të shmangur ”krizën tjetër të zgjedhjeve”