‘Po kthehemi në shtëpi me fëmijët’, Rama takon gjeneralin sirian: Do t’i riatdhesojmë edhe të gjithë të tjerët

Operacioni për kthimin e të gjithë fëmijë shqiptarë të mbetur në kampin famëkeq të Al-Holit do të vazhdojë.

Lajmi është konfirmuar nga kryeministri Edi Rama i cili ka publikuar në faqen e vet në Facebook takimin e zhvilluar në Bejrut me gjeneralin sirian Abass, të cilin siç shprehet e ka falënderuar për ndihmën e dhënë në kthimin në atdhe të 4 fëmijëve shqiptarë dhe ka marrë konfirmimin për vijimin e operacionit për kthimin e të tjerëve.

“Me Gjeneralin Abass përpara kthimit në atdhe bashkë me fëmijët, për ta falenderuar për ndihmën e tij të paçmueshme, si edhe për të konfirmuar sy më sy vijimin e operacionit për kthimin e fëmijëve të tjerë.

Katër fëmijë shqiptarë janë nxjerrë nga kampi i Al Holit në Siri dhe ndodhen aktualisht në Liban. Ndërkohë që fëmijët pritet që shumë shpejt të mbërrijnë në Shqipëri, nëna e tyre ndodhet në gjendje të vështirë shëndetësore për shkak të një plage në trup.

Kryeministri, Edi Rama i shoqëruar nga ministri Brendshëm, Sandër Lleshaj bashkë me Konsullin e Shqipërisë në Liban si dhe dy efektivë të Departamentit të Anti-Terrorit në Policinë e Shtetit kanë bërë të ditur se po punohet të për larguar nga kampi fëmijë të tjerë shqiptarë.

Lexoni gjithashtu:

Gazetari Taulant Kopliku tregon historinë e kampit të Al-Hol ku mendohet se ka mbi 50 gra e fëmijë shqiptarë

Të bllokuar në kampet siriane, gjyshërit kërkojnë mes lotësh kthimin e 5 fëmijëve të mbetur jetimë