Kryetari i Lëvizjes Vetëvendosje Albin Kurti pozitiv me COVID-19

Ish-kryeministri i Kosovës Albin Kurti, është infektuar nga coronavirusi dhe për këtë është vënë në vetë-izolim.

Lajmin e ka bërë me dije vetë Kurti përmes një postimi në Facebook, në të cilin shprehet se pas disa simptomave të lehta si koll dhe skuqje sysh, është testuar dhe ka rezultuar i prekur nga infeksioni.

“Në dy javët në vijim do të qëndroj në vetizolim,” – u shpreh kryetari i Lëvizjes Vetëvendosje.

Kurti i shtohet kështu listës së dhjetëra politikanëve të Kosovës, të cilët janë prekur nga COVID-19. Më parë infeksionin e kanë kaluar, kryeministri Avdullah Hoti, kryetari i Lidhjes Demokratike të Kosovës, Isa Mustafa, apo dhe kryetari i Partisë Demokratike të Kosovës, Kadri Veseli.