Kërkoi heqjen e sekuestros për pronat, Kushtetuesja merr vendimin për gjyqtarin

Gjykata Kushtetuese ka rrëzuar  kërekesën e ish anëtarit të Gjykatës së Lartë, Admir Thanza, për heqjen nga sekuestro të pasurive të tij.

Gjykata Kushtetuese ka vendosur moskalim për gjykim në seancë planare të çështjes ndaj tij sa i takon vendimit të GJKKO-së, për sekuestrimin e tyre.

Thanza, i cili po hetohet nga SPAK per fshehje pasurie kërkon që t’i kthehet apartamenti dhe garazhi i sekuestruar.

Ish-anëtari i Gjykatës së Lartë u mor nën hetim nga SPAK për fshehje dhe mosdeklarim pasurie. Ish gjyqtarit me vendim të gjykatës së Posaçme, iu sekuestrua për 2 pasuri të paluajtshme në emër të tij. Konkretisht, një apartament 70 m2 dhe një garazh 23 m katrorë në Tiranë.

“Kolegji vlerëson se vendimi nr. 00-2022-582, datë 09.06.2022 i Kolegjit Penal të Gjykatës së Lartë, me objekt sekuestrimin e pasurisë në zotërim të kërkuesit, nuk konsiderohet përfundimtar, në kuptim të nenit 131, pika 1, shkronja “f”, të Kushtetutës dhe ai kaende mjete juridike në dispozicion për korrigjimin e parimeve dhe të drejtave kushtetuese të pretenduara si të cenuara nga gjykatat e juridiksionit të zakonshëm.Në kushtet kur ky kriter paraprak nuk plotësohet, analiza e përmbushjes së kritereve të tjera të pranueshmërisë bëhet e panevojshme, për shkak të karakterit kumulativ të tyre.

Në përfundim të analizës për kriteret paraprake, Kolegji çmon se çështja nuk mund të kalojë për shqyrtim në seancë plenare”, thuhet në njoftimin e Gjykatës Kushtetuese.

LEXO GJITHASHTU:

• Dështon raundi i parë për zgjedhjen e kryetarit të ri të Kushtetueses
• Zgjidhet sot kreu i ri i Gjykatës Kushtetuese, emrat në garë
• Mbyllen aplikimet, kush janë 3 gjyqtarët në garë për kreun e Kushtetueses