“Kërkoni dokument identifikuese”, Tatimet apel bizneseve: Kujdes, ka individë që… 

Administrata Tatimore ka identifikuar individë të caktuar që mashtrojnë bizneset duke u prezantuar si punonjës tatimorë, por nuk janë të punësuar në strukturat e Administratës Tatimore.

Çdo punonjës i Administratës Tatimore në momentin që shkon pranë subjektit duhet të identifikohet përmes badge, urdhrit të punës të firmosur nga drejtuesi i Drejtorisë përkatëse dhe uniformat dalluese me mbishkrimin ‘Administrata Tatimore’.

Administrata Tatimore i bën thirrje të gjithë tatimpaguesve të bëjnë kujdes nëse përballen me persona të dyshimtë, që nuk i kanë elementet si më sipër, të mos lejojnë futjen e tyre në ambientet e biznesit si edhe të denoncojnë menjëherë raste të tilla pranë strukturave përkatëse.

Pak ditë më parë tre shtetas tentuan të përfitonin nëpërmjet mashtrimit nga një subjekt privat.

Ata u prezantuan si zyrtarë të lartë të institucioneve duke u përpjekur për të përfituar 40.000 euro.

LEXONI GJITHASHTU:

• Tatimet nuk mbledhin dot borxhet, nga 900 milionë u mblodhën vetëm 40
• 1.15 mld euro, detyrimet e bizneseve te tatimet