Kush është politikani shqiptar që bleu kurorën e Geraldinës? Flet historiani

Historiani Erald Kapri deklaroi se kurora luksoze e Mbretëreshë Geraldinës u ble në vitin 2016 nga një ish-politikan shqiptar që sot është biznesmen.

Në emisionin “Now” në Euronews Albania, Kapri u shpreh se ky persona e ka kurorën pjesë të koleksionit të tij dhe e ka blerë për shumën e 220 mijë eurove.

“Ajo u ble nga një ish-politikan shqiptar këtu në Shqipëri që e ka pjesë të koleksionit të vet. Një biznesmen që e ka në koleksionin e vet. Unë e kam gjurmuar këtë dhe më thanë që e ke në Shqipëri dhe është shitur për 220 mijë euro. Ka shumë objekte të tjera të Mbretit Zog si shpata ose objekte personale që janë në duart e koleksionistëve privatë në Shqipëri.

Shumë objekte Zogu i shiti në vazhdimësi kur jetoi jashtë, edhe për nevoja financiare. siç shiti edhe koleksionin, apo makina e vet që ia dhuroi Hitleri. Ajo ka një shifër marramëndëse sot që vlen miliona euro, është pjesë e një koleksioni privat që nuk është në Shqipëri”, theksoi ai.

LEXONI GJITHASHTU

• “Xhepat po i shpërthenin nga paratë”, fotografia e rrallë e Ahmet Zogut në Angli
• Publikohen shifrat marramendëse, ja pasuria e Ahmet Zogut
• “Të hetohet floriri”, Princ Leka i ndërhyn live Artan Lames: Ka pasur komision…