Rekord rastesh të reja me të infektuar nga COVID në Shqipëri

Tri viktima dhe 319 raste të reja është bilanci i 24 orëve të fundit në Shqipëri sa i takon betejës me pandeminë e COVID-19.

Viktimat janë një 72-vjeçare dhe 73-vjeçare nga Tirana, 81-vjeçare nga Berati, me sëmundje bashkëshoqëruese.

Gjatë ditës së fundit janë kryer 1534 testime, nga të cilët kanë rezultuar pozitivë 319 qytetarë të prekur nga virusi duke i çuar raste aktive në total në mbi 9 mijë persona.

Nga ana tjetër, në 24 orët e fundit janë shëruar 90 qytetarë, duke e çuar numrin e të shëruarve në 11,097 që nga fillimi i epidemisë.

Aktualisht në spitalet covid po trajtohen 301 pacientë, 15 në terapi intensive nga të cilët 6 pacientë janë të intubuar.

Rastet pozitive në 24 orët e fundit:

141 raste në Tiranë, 38 në Fier, 15 në Pogradec, nga 13 raste në Elbasan, Kavajë, 11 në Korçë, 9 në Krujë, nga 8 raste në Durrës, Berat, Kuçovë, 7 në Gramsh, nga 6 raste në Lezhë, Tropojë, Sarandë, nga 4 raste në Shkodër, Vlorë, Mirditë, Patos, nga 3 raste në Kurbin, Rrogozhinë, 2 në Devoll, nga 1 rast në Kukës, Lushnje, Gjirokastër, Ura Vajgurore, Bulqizë, Klos.

COVID-19 – Statistika (30 Tetor 2020)

Testime totale                     123,960

Raste pozitive                      20,634

Raste të shëruara                11,097

Raste Aktive                         9,035

Humbje jete                             502

Shpërndarja gjeografike e rasteve aktive sipas qarqeve:

Tiranë                  4566

Durrës                   847

Fier                       692

Korçë                    569

Shkodër                522

Lezhë                    405

Elbasan                395

Vlorë                    360

Berat                    266

Kukës                   191

Gjirokastër           129

Dibër                    93