Dhuna te fëmijët, Vata: Ka familje të papërgjegjshme, institucionet të reagojnë

Kryetari i Urdhrit të Punonjësve Socialë, Mirgit Vata, analizoi në studion e emisionit Review në Euronws Albania rastin e dhunës së adoleshentëve në shkolla, duke marrë shkas nga rasti i videos ku disa vajza nga shkolla 9-vjeçare Kongresi i Manastirit, rriheshin brutalisht në Tiranë.

Vata tha se në rastet kur prindërit janë të papërgjegjshëm, atëherë për rastet problematike duhet të ndërhyjnë institutionet përgjegjëse.

“Nëse t’i nuk e menaxhon dot më si shkollë rastin, thërrit punonjësin për mbrojtjen e fëmijëve dhe ai të thërasë grupin teknik ndërsektorial me të gjithë aktorët, polici, prokurori shëndetësi dhe punonjësit psikosocial. Ti i ofron një shërbim multidiplisinare për të cilat mund të ketë nevojë fëmija ose familja.

Secili prej aktorëve ofron shërbime. Mund të ketë dhe familja nevojë për shërbime multidisiplinare.

Ka prindër që nuk janë shumë të përgjegjshëm me mënyrën si duhet të sillen me fëmijët dhe për këtë punë kemi institucionet për të përkujdesur për fëmijët kur prindërit janë të papërgjegjshëm.

Kur ne kemi familje të cilat janë të papërgjegjshme atëherë institucionet duhet të reagojnë. Në këtë rast i ofron shërbim dhe fëmijës”, tha Vata.

LEXONI GJITHASHTU

• Sherri i vajzave në Tiranë, psikologia: Femijët tanë janë të ekspozuar ndaj dhunës
• “Dështak, me ty do merrem? Eksperti ngre alarmin: Mësuesit ofendojnë fëmijët
• Eksperti i arsimit: Nipi i nëndrejtoreshës qëlloi me armë në Vlorë, ja çfarë ndodhi