Eksperti i arsimit: Nipi i nëndrejtoreshës qëlloi me armë në Vlorë, ja çfarë ndodhi

Eksperti i arsimit, Ndriçim Mehmeti thotë se në disa qytete të vogla në vend, kanë ndodhur ngjarje të rënda brenda ambienteve të shkollave.

Në emisionin “Review” në  Euronews Albania, Mehmeti tregoi një rast ku në një shkollë në Vlorë, nipi i nëndrejtoreshës qëlloi dikë me armë dhe u tha se ngjarja ndodhi jashtë ambienteve të shkollës, gjë e cila nuk ishte e vërtetë.

Sipas Mehmetit, prindërit dhe shkollat nuk duhet t’ia kalojnë “topin” njëri-tjetrit për ngjarje të tilla, por të marrin përgjegjësi.

“Në qytete të vogla kanë ndodhur ngjarje. Mos të harrojmë atë të shkollës “Rilindja” në Kavajë, se është harruar sot. Mos të harrojmë në Vlorë që ia futi me pistoletë kokës dhe drejtoresha priti kur të vinte mbrëmja dhe tha, jo nuk ka ndodhur këtu, ndodhi jashtë.

Ajo ndodhi brenda dhe ishte nipi i nëndrejtoreshës, se i harrojnë shqiptarët këto. Unë i rikthehem marrjes së përgjgjësisë. Mësuesit mos ta hedhin topin te prindërit, prindërit mos ta hedhin topin te shkolla”, theksoi ai.

LEXONI GJITHASHTU

• Dhuna e vajzave në Tiranë, Baçi: Fajin te prindërit! E trishtë heshtja e fëmijëve
• Dhuna mes adoleshenteve, punonjësja sociale: Fenomen që ka ekzistuar e do ekzistojë
• Sherr mes adoleshenteve në Tiranë, vjen reagimi i policisë