Dhuna e vajzave në Tiranë, Baçi: Faji te prindërit! E trishtë heshtja e fëmijëve

Analisti Agim Baçi, komentoi në emisionin “Review” në Euronews Albania videon virale të disa vajzave të shkollës 9-vjeçare Kongresi i Manastirit, të cilat dhunonin një bahskëmoshataren e tyre.

Baçi tha se shqetësuese në videon e publikuar nuk ishte vetëm dhuna por dhe mos-reagimi i fëmijëve të tjerë.

Ai theksoi se fajin për këtë e kanë prindërit të cilët nuk i mësojnë fëmijët e tyre të reagojnë ndaj një të keqeje.

“Nuk është hera e parë që bëhet dhunë, dhunë ka pasur dhe në kohën tonë dhe para 10-15 vjetësh. Çështja është mënyra si e kanë qëllim sot dhunën, kjo është shqetëstese. Është shqetësuese se duket sikur imitojnë. Duket një imitim i këtyre videove sikur janë në hollywood dhe vonë e kuptojnë që jeta nuk është me regjisor, me përsëritje ose me provë.

Ajo më shqetësoi është qetësia e fëmijëve përreth që nuk reagoi askush. Vetëm filmonin. Këta fëmijë më lënë të kuptoj se asnjë prind nuk u ka thënë në shtëpinë e tyre që duhet të reagosh ndaj një të keqeje. Se ku ta mësojë ai. Nuk duhet të fajësojmë vetëm fëmijët. Ne duhet të kemi kurajon që t’i mësojmë fëmijët të reagojnë ndaj një të keqeje.

Më duket e trishtë heshtja e atyre fëmijëve aty”, tha Baçi.

LEXONI GJITHASHTU

• Vata: Për shkak të Tik-Tok kemi 2 vetëvrasje, kemi bërë kërkesë në AMA që të mbyllet
• “Dështak, me ty do merrem? Eksperti ngre alarmin: Mësuesit ofendojnë fëmijët
• Eksperti i arsimit: Nipi i nëndrejtoreshës qëlloi me armë në Vlorë, ja çfarë ndodhi