Vata: Për shkak të Tik-Tok kemi 2 vetëvrasje, kemi bërë kërkesë në AMA që të mbyllet

Kryetari i Urdhrit të Punonjësve Socialë, Mirgit Vata thotë se Tik-Tok është i dëmshëm, sidomos për adoleshentët, pasi sipas tij, në këtë aplikacion promovohet gjuha e dhunës dhe urrejtjes.

Në emisionin “Review” në Euronews Albania, Vata u shpreh për shkak të këtij aplikacioni, në Shqipëri janë kryer dy vetëvrasje.

Ndër të tjera, Vata nënvizoi se një vit më parë, është bërë kërkesë në AMA për mbylljen e Tik-Tok, por nuk u dha asnjë përgjigje.

“Tik-Toku, për mua është një ndër shqetësimet më serioze. Mua personalisht, gjatë eksperiencës sime të punës, me rastet që jam ndeshur te linja e këshillimit për fëmijë, unë kam qenë gjithë kohës në situatë alarmi, për aktualitetin që ndodhte, për tipologjinë e rasteve që ndodhin, për gjuhën e dhunës, urrejtjes, për nivelin e agresivitetit, për nivelin e diskriminimit, bullizmit, për të gjitha llojet e niveleve të dhunës, për adoleshentë dhe të rritur.

Të gjitha ndodhin në Tik-Tok. Në Shqipëri, për shkak të Tik-Tok ke dy raste vetëvrasje adoleshentësh. Ne kemi bërë kërkesë, që Tik Tok të mbyllej në Shqipëri, para një viti më parë, te AMA”, theksoi ai.

LEXONI GJITHASHTU

• Sherri i vajzave në Tiranë, psikologia: Femijët tanë janë të ekspozuar ndaj dhunës
• “Dështak, me ty do merrem? Eksperti ngre alarmin: Mësuesit ofendojnë fëmijët
• Eksperti i arsimit: Nipi i nëndrejtoreshës qëlloi me armë në Vlorë, ja çfarë ndodhi