Sherri i vajzave në Tiranë, psikologia: Femijët tanë janë të ekspozuar ndaj dhunës

Psikologia Nerida Llaha ishte e ftuar këtë të shtunë në emisionin Review në Euronews Albania, ku foli në lidhje me videon e sherrit të dhunshëm të vajzave të shkollës 9-vjeçare “Kongresi i Manastirit” në Tiranë.

Llaha se ngjarja ishte tepër e rëndë saqë askush nuk mund të rinte pa u përfshirë. Ajo shtoi se më problematik është fakti se fëmijët në Shqipëri janë çdo ditë të ekspozuar ndaj dhunës.

“Është tipike nga ato ngjarje që askush nuk mund të rri dot pa u përfshirë. Vajza ime e pa, por jo me mua, ishte ajo që donte të ma tregonte. Unë e kisha marrë vesh si lajm, por doja të bëja një testim për të parë si po ndihej, si po e priste. E pashë që ishte bërë si limon dhe më tha “çfarë dhimbje mund të ketë përjetuar ajo o mami”. Unë i them “a ke rastisur të shohësh kështu në shkollë”, më dha sinjalin më të madh heshtja e saj dhe largimi nga biseda.

Fëmijët tanë janë jo të ekspozuar nga dhuna, por kushedi sa herë mund të kenë qenë pjesë”, tha psikologia.