Protesta, Berisha: Ka ikur koha kur shqiptarët ulnin kokën! Nuk ka stabilitet nëse…

Kreu i Partisë Demokratike, Sali Berisha mbajti këtë të diele një takim me strukturat e degëve 8, 9, 10 në Tiranë.

Gjatë fjalës së tij u ndal dhe te protesta e 3 marsit, ku theksoi se në vend nuk mund të ketë stabilitet nëse shqiptarët nuk votojnë të lirë. Ai theksoi se ka ikur koha kur shqiptarët ulnin kokën dhe nuk zgjidhnin të lirë.

“Në kulmin e zgjedhjeve më të këqija në histori, besoj se ju kujtohen zgjedhjet e 25 prillit. Armata e patronazhistëve për herë të parë e nxjerr, e organizuar duke vjedhur të gjitha të dhënat tuaja personale që në mirëbesim ja kishit dhënë qeverisë, si në çdo vend tjetër normal,”  – u shpreh Berisha.

“Do të mbahet mend se si guvernatorja shkoi natën e zgjedhjeve për të përgëzuar zgjedhjet. Se si Mathju Palmer të nesërmen do të shprehte padurimin për të bashkëpunuar me Edi Ramën, duke shkelur rregullat më elementare që asaj që thotë ‘urime për zgjedhjet’ gjë që të cilën e bëri ambasadori i SHBA në Vjenë. Por ai ishte i lirë, ishte një shërbëtor i vendit të vet, pa lidhje Mcgonigalike,” – shtoi ai.

Kryedemokrati tha se kjo betejë nuk është fushë me lule, por është një betejë fisnike për idealet dhe të ardhmen.

Berisha u shpreh se në këtë betejë janë të pathyeshëm.

LEXONI GJITHASHTU:

• Berisha: Vrasësi i të resë nga Kenia mbulohet nga Rama
• Berisha: Korrupsioni qeveritar shqiptar dhe ai ndërkombëtar u bënë një