Rriten sërish çmimet e ushqimeve në Elbasan

Çmimet e produkteve ushqimore kanë shënuar një tjetër rritje. Në tregun e fruta-perimeve të Elbasanit të gjitha produktet janë rritur.

Për pasojë blerësit shprehen se janë të detyruar të blejnë më pak, pasi nuk e përballojnë dot.

“Nga dita në ditë veç e ngrihen. Ne jemi pensionistë nuk kemi të ardhura të tjera edhe nuk na del të marrim. Marrim çaj e hamë bukë me çaj. Po mishi ka vajtur 12 mijë lekë kg, gjalpi 10 mijë lekë kg, po pulat e të gjitha të gjitha. Ulet konsumi, më pak se unë për shembull marr dy shishe në ditë do marr 1 se s’ma leverdis aq e kemi hapin,” – u shpreh një zonjë.

“Përballë situatës së rritjes së çmimeve të produkteve ushqimore tregtarët hezitojnë të japin shpjegim për mikrofonin tonë e ndërsa disa prej tyre jashtë kamerave shprehen se janë të detyruar t’i rrisin çmimet pasi edhe furnitorët e tyre i kanë rritur ndjeshëm ato.

E në këto kushte ata që do të vazhdojnë të vuajnë pasojën e rritjes së këtyre çmimeve do të vijojnë të jenë konsumatorët shqiptarë.

LEXONI GJITHASHTU:

• Erëra të forta e zjarre, si paraqitet moti në Vlorë, Gjirokastër e Elbasan
• A do të rriten çmimet e ushqimeve pas shfuqizimit të bordit? Flet ekspertja