“Shijojeni jetën çdo moment”- E sëmura me kancer zgjedh të festojë në ditët e fundit

E sëmura me kancer
28 Shkurt 2023 | 13:58

“Vdekjen askush nuk e ndal, ndaj jeta duhet shijuar në cdo moment”- është ky mesazhi i një 76-vjeçareje nga qyteti anglez i High Wycombe e cila vuan nga sëmundja e kancerit dhe është në stadin përfundimtar të jetës.

Në kushte të tilla ajo vendosi të organizonte një festë në vend që të bënte një “funeral”.

Linda Williams, 76, nga High  Wycombe, “urren funeralet” dhe donte të ishte në gjendje të “vallëzonte të gjithë natën” me miqtë e saj.

Një vit më parë ajo u diagnostikua me kancer terminal dhe më pas sëmundja u agravua ndjeshëm.

Gjatë kësaj periudhe ajo bëri një listë të gjërave që duhet të realizonte gjatë kohës që i kishte mbetur për të jetuar.

“Unë kurrë nuk kam qenë në një funeral, ato janë gjëra të mjerueshme, kështu që vendosa të bëja  një festë të jetës sime,” tha ajo.

Aksioni i parë ishte fluturim në një Spitfire. Ajo u vesh si pilot dhe mbante një parashutë të lidhur në shpinë, sikur do të kërcente nga avioni.

E dyta ishte festa me temën e viteve 1940, e cila u zhvillua  në tetor, dhe  përmbante gjashtë shfaqje, një lotari, një tortë dhe sanduiçe.

124 të ftuarit duhej të përdornin fjalën e koduar enigma për të hyrë në festë.

Ajo  tha se ishte shumë mirënjohëse miqve të saj për organizimin e festës. Pak muaj më parë, zonja Ëilliams vendosi se “i kishin mjaftuar spitalet” dhe mori vendimin që të kujdesej në shtëpi nga infermieret megjithatë ajo dha mesazhin e fortë se gjithmonë ka kohë për të realizuar dëshirat.

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026