Pjesë e grupit kriminal që merrej me drogë në Spanjë, arrestohet në Fier 67-vjeçari

Një 67 vjeçar, i cili i shpallur në kërkim ndërkombëtarë pasi ishte pjesë e një grupi kriminal në Spanjë është arrestuar në Fier.

Policia bën me dije se në kuadër të operacionit policor të koduar “Member” ka rënë në pranga shtetasi Gj. P, i cili do të ekstradohet drejt Spanjës.

67-vjeçari ishte shpallur në kërkim ndërkombëtar, pasi autoritetet gjyqësore spanjolle i kanë caktuar masën e sigurisë “Arrest në burg”, për veprat penale: “Trafikimi i narkotikëve”, “Kultivimi i bimëve narkotike”, “Organizata kriminale”, “Armëmbajtja pa leje” dhe “Vjedhja e energjisë elektrike”, të parashikuara nga legjislacioni penal i Spanjës.

Nga hetimet e kryera në këtë shtet, ka rezultuar se 67-vjeçari, në bashkëpunim me shtetas të tjerë, përshtatnin ambiente të mbyllura, në qytete të ndryshme të Spanjës, për kultivim të bimëve narkotike, me anë të llambave.

Më 18 shkurt, Policia e Fierit, në kuadër të operacionit “Member”, vuri në pranga me qëllim ekstradimin, shtetasin Xh. A., pjesëtar i të njejtin grup kriminal.

LEXONI GJITHASHTU: 

• FOTO| Shqiptari në trenin e shkatërruar në Greqi, i biri ndjek nga afër kërkimet
• E mbijetuara në Greqi: Vendosa nëse do të digjesha apo do të thyeja kockat