FOTO| Shqiptari në trenin e shkatërruar në Greqi, i biri ndjek nga afër kërkimet

Një punonjës i trenit të udhëtarëve që u përplas dje në Greqi është me origjinë nga Lusnja.

Ai nuk është gjetur ende, ndërsa i biri ka shkuar në vendngjarje të ndjekë nga afër kërkimet.

Gazetari i Euronews Albania, Xhensil Shkëmbi ndodhet në afërsi të Larisës aty ku një tren udhëtarësh dhe një tren mallrash u përplasën të mërkurën duke lënë pas 42 viktima.

Ai raportoi se mendohet që shumë trupa viktimash të jenë shkrirë për shkak të nxehtësisë të lartë.

Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.

Greqia ka shpallur 3 ditë zie kombëtare në nder të viktimave.

LEXONI GJITHASHTU:

• E mbijetuara në Greqi: Vendosa nëse do të digjesha apo do të thyeja kockat
• Tragjedia në Greqi, numri i viktimave shkon në 42