Balla: Sali Berisha duhet të mësohet të vijë në SPAK

Kreu i grupit parlamentar të Partisë Socialiste, Taulant Balla tha duke dalë nga SPAK se Sali Berisha duhet të mësohet të vijë në institucionin në fjalë.

“Është një vepër penale e cila duhet ndëshkuar. Edhe me Bashën e kam fituar gjyqin për shpifje, kam fituar dhe do ta fitoj edhe me Berishën. Thirrja ime sot nga Gyykata kundër Korrupsionit dhe Krimit të Organizuar është që Berisha duhet të mësohet të vijë për çështje që e kemi thirrur ne, por më së shumti për për çështje që e kanë thirrur shqiptarët. Shqiptarët e kanë thirrur për plot çështje ndër to 21 Janari, Gërdeci, privatizimi i OSSH, privatizimi i kompleksit Partizani, një privatizim i turpshëm. Saliu duhet të bëhet gati që të jetë një klient i përhershëm këtu. Kam bërë padi për disa akuza të paqena në Kuvendin e Shqipërisë”, tha Balla.

Taulant Balla ka paditur në GJKKO Berishën pasi në një seancë plenare në Kuvend, Sali Berisha e ka akuzuar Ballën për vrasjen e Ravik Gurrës.

Ravik Gurra njihet si avokati i Emiljano Shullazit.

Gurra ka mbrojtur edhe dy vëllezërit Hysa, Agron dhe Kujtim Hysa, pronarët e firmës “Vëllezërit Hysa”, të cilët ndodhen në burg të akuzuar për abuzime me vlerë rreth 500 milionë lekë në ndërtimin e rrugës Elbasan-Gjinar.

LEXONI GJITHASHTU:

• “Qëllojini mbi trupa”, Balla hap audion e 21 janarit: U dha urdhri nga Berisha
• Apeli jep sot vendimin mbi “vulën”, Berisha dhe mbështetësit në shesh në orën 12:00