Vendimi i Apelit për vulën, Sula: Kandidatët demokratë të regjistrohen me logon e PD

Deputeti Dashnor Sula ka reaguar pas vendimit të Gjykatës së Apelit e cila vendosi që vula t’i mbetet Enkelejd Alibeajt.

Në një postim që ka bërë në rrjetet social, Sula tha se tashmë e vetmja zgjidhje është bashkimi i demokratëve.

Ai nënvizoi se kandidatët demokratë për zgjedhjet e 14 majit duhet të regjistrohen në KQZ, vetëm me logon e PD.

“Të bashkuar ne fitojmë shumicën e bashkive të vendit. Pasi të mundim mazhorancën, brenda 2-3 muajve futemi në zgjedhje dhe strukturim të brendshëm. Zgjedhim funksionarët nga më të thjeshtin, kryetar seksionesh,kryetar grupseksionesh,kryetar degesh deri te kryetarin e PDSH-së duke bërë një proces gjithëfshirës dhe duke i krijuar liri gjithësecilit që të ketë mundësi të kandidojë.  Bashkimi i të gjitha rrymave brenda nesh, në një lum të madh energjie kundra qeverisë aktuale është emergjencë kombëtare.

Sigurisht më pas zgjedhjet e brendshme nga “këmba te koka” janë domosdoshmëri jetike. Ta caktojnë të gjithë demomratët pa asnjë përjashtim se cilët do jenë përfaqësuesit në të gjitha strukturat e PD.”- shkruan ndër të tjera Sula.

LEXONI GJITHASHTU: 

• Njolla gjaku në triko, del para Gjykatës Dan Hutra që vrau tre gra në Tiranë
• Vodhën dy herë  të njëjtin lokal, vihen në pranga dy 17-vjeçarë në Tropojë