Përshtati lokalin për lojëra fati, arrestohet 39-vjeçari në Vlorë

Një 39-vjeçar është arrestuar në Vlorë këtë të mërkurë në kuadër të operacionit policor të koduar “Fati i lojërave”.

Shtetasi Xh.Ll u vu në pranga pasi kishte përshtatur lokalin e tij, për ushtrimin e aktivitetit të paligjshëm të lojërave të fatit dhe basteve sportive.

Gjatë kontrollit të lokalit, shërbimet e Policisë gjetën dhe sekuestruan në cilësinë e provës materiale, 3 njësi kompjuterike që shërbenin për lojëra fati dhe 1 aparat celular që shërbente për të vënë baste sportive.

Në vijim të veprimeve nisi procedimi penal edhe për shtetasit E. M., 23 vjeç dhe Gj. M., 37 vjeç, pasi u kapën duke luajtur lojëra fati të paligjshme.