Zbardhet biseda mes Dukës dhe Berishës, plani i Rithemelimit për të hyrë në zgjedhje

Gazetarja Eksiola Shehu ka zbardhur detaje nga takimi që ish-kryeministri Berisha pati në selinë blu me kryetarin e Partisë Agrare Ambientaliste, Agron Duka.

Shehu tha se në fokus të takimit këtë të mërkurë ishin zgjedhjet lokale të 14 majit.

Sipas gazetares ky takim është në vazhdën e propozimit të bërë nga Berisha që të gjitha partitë opozitare të hyjnë në një koalicion të vetëm në zgjedhjet e 14 majit.

Nuk dihet ende vendimi i Dukës nëse do të mbështesë apo jo kandidatët e primarëve të nxjerrë nga Rithemelimi.

“Në fokus të takimit kanë qenë zgjedhjet e 14 majit dhe koalicioni që zoti Berisha ka shprehur, pas vendimit të gjykatës së Apelit për çështjen e vulës.

E vetmja rrugëzgjidhje nga zoti Berisha për regjistrimin në zgjedhje është parë futja përmes koalicioneve.

Ndaj dhe zoti Berisha pritet të kalojë një javë intensive pune për të bindur kryetarët e partive aleate të opozitës për të hyrë në një koalicion të vetëm në zgjedhje.

Ky takim ka zgjatur rreth 40 minuta. Zoti Duka nuk ka vendosur nëse do të mbështesë në një koalicion PD-në dhe opozitën.

Në daljet publike Duka tha se kjo forcë politike do të dalë e vetme për sa i përket këshilltarëve bashkiakë, ndërkohë që nuk dihet nëse do të mbështesë formalisht dhe kandidatët e primareve”, tha Shehu.

LEXO GJITHASHTU:

• Votat e demokratëve për të fuqizuar Metën? Deputeti: Marrëveshja është skandaloze
• Propozimi i deputetit: Më 15 maj organizojmë kongres pajtimi, shumica do drejtojë PD