Aktualitet | Lajmi i fundit

Anulimi i seancës plenare, deputetët e PD-së-Kuvendit: Vendimi anti-kushtetues

13 Mars 2023 | 15:20

Deputetët e Partisë Demokratike kanë paraqitur në Kuvend mbajtjen e seancës plenare të datës 13 mars 2023.

Në kërkesën e firmosur nga deputetët demokratë, anulimi i seancës së datës 13.03.2023 nga Kryetarja e Kuvendit, konsiderohet si shkelje e rëndë e Rregullores së Kuvendit.

“Kjo vendimarrje nuk bëhet sipas dëshirës së kryetares së Kuvendit, dhe përgjegjësia bie direkt mbi Kryetaren e Kuvendit, znj. Lindita Nikolla, e cila duke marrë vendimin për anulimin e seancës ka shkelur të drejtën e deputetëve për të përfaqësuar në Kuvend problematikat e zonave të tyre elektorale.

Deputetët e Partisë Demokratike e konsiderojnë anulimin e kësaj seance të datës 13 mars 2023, një akt të rëndë kundër parlamentarizmit dhe një akt anti-kushtetues. Në kërkesën zyrtare të dërguar si më poshtë, ata kërkojnë që zhvillimi i kësaj seance të kryhet normalisht”, theksohet në njoftimin e deputetëve demorkatë.