Rama uron Ditën e Verës nga Elbasani: Lajme të mira, çfarë përfitojnë pensionistët

Kryeministri Edi Rama vizitoi sot Elbasanin me rastin e Ditës së Verës. Ai uroi një stinë me diell dhe me dritë në mendje e zemër.

Kreu i qeverisë tha se për ata që besojnë te puna, kjo stinë do të vijë me lajme të mira. Rama u zotua se do të mbajnë premtimin për pensionistët.

“Kemi një proces që me rritjen e pagës minimale duhet të rrisim edhe pagat e tjera. E kemi nisur si vrima e fundit e kavallit në rajon, sot shkojmë në një pozicion edhe më të mirë në rajon. Dua të uroj pensionistët, jo vetëm që nuk e kemi harruar premtimin për t’iu shpërndarë një tjetër mbështetje por siç e kemi thënë, taksa mblidhet, kësti i parë në prill e menjëherë do shikojmë sesi kryesorja në administrimin e të ardhurave, do jetë për pensionistët. Urime dhe gëzuar paçi një stinë me diell dhe dritë,” – u shpreh kryeministri.

Ndërkaq, në Elbasan, pritet të mbërrijë dhe kryedemokrati Berisha.