Katër kandidatë për një karrige, gjykata rrëzon KED-në, rifut në garën për Kushtetuesen Zhaklina Peton

Zhaklina Peto është kandidatja e katërt, e cila është rifutur në garë për të plotësuar vakancën e krijuar në Gjykatën Kushtetuese pas shkarkimit të Besnik Muçit.

Gjykata Administrative e Apelit vendosi sot të rrëzonte vendimin e Këshillit të Emërimeve në Drejtësi (KED), i cili në mbledhjen e 5 tetorit pati vendosur s’kualifikimin e Zhaklina Petos nga listat e kandidatëve për anëtarë në Gjykatën Kushtetuese.

Me vendimin e sotëm të Gjykatës Administrative të Apelit ndryshon edhe panorama përsa i përket plotësimit të një vakance në Gjykatën Kushtetuese.

Për herë të parë do të jenë katër kandidat të cilët synojnë karrigen e gjyqtarit më të kërkuar në Shqipëri.

Konkretisht Altin Binaj dhe Sonila Bejtja kanë kaluar filtrat e KED-së duke u pranuar në garë. Por nga dy kandidat të kualifikuar lista shkoi në katër pasi Gjykata vendosi që për dy kandidat të skualifikuar, Eugen Papandile dhe Zhakilna Peto, Këshilli i Emërimeve në Drejtësi kishte gabuar duke i futur në garë.

Pas këtyre vendimeve gjyqësore, topi kalon sërish në fushën e KED-së i cili sipas parashikimeve ligjore duhet të vlerësoj me pikë secilin kandidat dhe më pas t’ia përcjell organit të emërtesës që në këtë rast është Presidenti Ilir Meta.

Vetë kreu i shtetit do të ketë në dispozicion një listë me katër kandidat nga të cilët do të përzgjedhja një nga tre të parët të cilët për KED-në do të jenë kandidatët më të vlerësuar për të ushtruar detyrën e anëtarit të Gjykatës Kushtetuese.