EMRI/ Përplasi këmbësoren dhe një automjet, pranga ish-drejtorit të Doganës në Fier

Ish-drejtori i Doganës në Fier, Arlind Lagji është arrestuar nga policia këtë të martë.

Mbrëmjen e djeshme, 46-vjeçari aksidentoi këmbësoren I.S 66-vjeçe në rrugën “Gjergj Kastrioti” në Vlorë, teksa drejtonte automjetin tip “Volkswagen”, në gjendje të dehur.

Më pas, po në këtë aks rrugor, Lagji ka përplasur automjetin tip “Peugeot” me drejtues shtetasin B. C., 63 vjeç, banues në Vlorë.

Shtetasja I. S. dhe shtetasi B. C. ndodhen në spital, jashtë rrezikut për jetën.

“Specialistët e Qarkullimit Rrugor të DVP Vlorë arrestuan në flagrancë shtetasin A. L., 46 vjeç, banues në Vlorë, për veprat penale “Drejtimi i automjeteve në mënyrë të parregullt”, “Shkelja e rregullave të qarkullimit rrugor“ dhe “Largimi nga vendi i aksidentit”.

Ky shtetas, ditën e djeshme, duke drejtuar automjetin tip “Volkswagen”, në gjendje të dehur, në rrugën “Gjergj Kastrioti”, ka aksidentuar shtetasen I. S., 66 vjeçe, banuese në Vlorë, është larguar nga vendi i aksidentit dhe ka vijuar lëvizjen, në këtë aks rrugor, ku më pas ka përplasur automjetin tip “Peugeot” me drejtues shtetasin B. C., 63 vjeç, banues në Vlorë”, thuhet në njoftimin e policisë.

LEXONI GJITHASHTU

• Drejtonte urbanin i dehur, arrestohet në flagrancë shoferi 57-vjeçar
• “Bosi i kokainës” në vendet nordike, GJKKO jep dënimin për Jetmir Kastratin