Fermerët në radhë për naftë, probleme me dokumentacionin

Vijon dita e dytë e aplikimit për skemat mbështetëse në bujqësi. Radhë të gjata janë krijuar që në orët e para të mëngjesit. Pjesa më e madhe e tyre vijnë nga zona të largëta ndaj dhe kjo është një kosto e harxhuar për këta të fundit.

Hapja e disa sporteleve që ofrojnë shërbim nuk i ka shmangur radhët. Kjo për faktin se një pjesë e fermerëve aplikonin për herë të parë dhe kishin mungesë dokumentacioni, ndërsa disa të tjerë kanë hasur bllokim në portalin ku bëhet aplikimi.

 “Që në orën 8 e gjysmë kam ardhur, s’kam mbaruar punë vetëm një vërtetim kam marrë, s’ka sqarim as për një gjë,” – u shpreh një qytetare.

“Është shumë e vështirë të rrish në këmbë këtu gjithë ditën dhe mos të sqarohesh. Nuk i bëjmë dot aplikimet,” – tha një tjetër.

Nga skema mbështetëse në bujqësi, kësaj herë nuk do të  jenë përfitues vetëm fermerët, por edhe blegtorët, bletarët e peshkatarët. Sakaq aplikimet do të jenë të hapura deri më 11 prill.

LEXONI GJITHASHTU:

• 30 mln euro për fermerët| Nisin aplikimet, përfitojnë edhe blegtorët e peshkatarët
• Fermeri korçar i revoltuar: Nuk kam marrë naftën e vjetshme