Dushkaj: S’gjen më kafe me 50 lekë, çmimi mesatar nga 100 deri në 120

Bartenderi Ilir Dushkaj tha në një intervistë për Euronews Albania se në Tiranë nuk ka më kafe me 50 lekë, ndërsa shtoi se çmimi mesatar është 100 deri në 120 lekë.

“Nuk besoj që gjen diku më me 50 lekë. Varet dhe nga cilësia e kafes, por në përgjithësi jo nuk gjen. Unë sot isha në një qytezë të vogël kur po vija në Sarandë dhe kafja ishte 120 lekë. Ndonjëherë është dhe abuzim. Unë për shembull nuk e kam lëvizur çmimin e kafes, madje në oraret e mëngjesit e kam ulur. Nga 80 lekë e kam bërë 60,” – u shpreh Dushkaj.

Ndërkaq, eksperti i ekonomisë Fatos Çoçoli tha se filxhani i kafes që sot kushton 100 lekë është njësoj me atë 80-lekëshin e 4 viteve më parë.

Në muajin janar sasia e importit të kafes ra me 20 për qind.

LEXONI GJITHASHTU:

• Ulet importi i kafes, eksperti: Ta harroni se pini më 5 filxhanë në ditë
• Ulet ndjeshëm importi i kafesë, shqiptarët më pak para për bare dhe restorante