Iu gjetën rreth 300 mijë euro në kamion, gjykata lë në qeli Ferdinand Mirukajn

Gjykata e Durrësit ka lënë në fuqi masën e sigurisë “arrest me burg” për Ferdinand Mirukajn.

Ky i fundit u arrestua nga policia e Durrësit dy ditë më parë, pasi u kap me një shumë prej rreth 300 mijë eurosh, e cila gjendej brenda një kamioni që vinte nga Italia.

Vetë Mirukaj në deklarimin e dhënë përpara grupit hetimor ka pohuar se nuk e dinte se paratë ishin në kamionin që drejtonte dhe nuk ka dijeni si mund të kenë përfunduar aty.

Dyshimet e hetuesve janë se paratë e sekuestruara kishin destinacion qytetin e Lushnjes, tek një grup kriminal që njihet për veprimtarinë kriminale të trafikut të narkotikëve.

Për shumën e sekuestruar policia nisi procedim edhe për Aldo Likën ndërkohë që në kërkim është shpallur Erjon Jovani, pronar i kamionëve ku u gjeten paratë.

Ky i fundit një emër i njohur për drejtësinë, pasi në 2016 është arrestuar në portin e Durrësit, ku në kamionin e tij u gjetën 190 kg drogë. 

Lexoni gjithashtu: 

294 mijë eurot që u kapën në Durrës kishin si destinacion Lushnjën