Vendosi lëndë plasëse në një pallatin në Shëngjin, në pranga 52 vjeçari

Është arrestuar dhe personi i tretë, i cili së bashku me dy të tjerë vendosën lëndë plasëse në një banesë në Shëngjin.

Blutë bëjnë me dije se në pranga ka rënë shtetasi Z. K., 52 vjeç, banues në Tiranë, dhe akuzohet për veprat penale “Shkatërrimi i pronës me eksploziv”, “Kanosja”, “Prishja e qetësisë publike” dhe “Mbajtja pa leje e armëve, armëve shpërthyese e municionit luftarak”.

Ky shtetas, në bashkëpunim me shtetasit A. S. dhe E. P. (të arrestuar më parë në kuadër të operacionit “Eksplozivi”), dyshohet se më datë 19.11.2020, kanë vendosur lëndë shpërthyese në një subjekt privat objekt në ndërtim e sipër, në pronësi të shtetasit L. Gj., në Shëngjin, ku si pasojë janë shkaktuar vetëm dëme materiale.

Materialet procedurale iu referuan Prokurorisë pranë Gjykatës së Rrethit Gjyqësor Lezhë.

LEXONI GJITHASHTU: 

• Tragjedi në Arabinë Saudite: Autobusi u përmbys dhe mori flakë, 20 të vdekur 
• Mjekja sugjeron: Ja 3 ndërhyrje estetike që nuk duhet t’i bëni asnjëherë