U kapën me 760 kg kokainë, arrestohen 21 persona në Itali, mes tyre shqiptari    

Një shqiptar është arrestuar në Itali, pasi akuzohet se është pjesë e një grupi kriminal të trafikut të drogës.

Mediat italiane bëjnë me dije se në kuadër të operacionit anti-drogë janë arrestuar 21 persona, mes tyre edhe shqiptari.

Policia ka sekuestruar 760 kg kokainë të fshehur në një sasi lëkure viçi të papërpunuar.

Vlera e kokainës në treg do të kapte shifrën e mbi 60 milionë eurove nëse do shitej me pakicë dhe 23 milionë me shumicë.

Sipas mediave italiane, droga që u kap në Bolonja mbërriti në Itali nga Amerika e Jugut dhe ishte fshehur në kontejnerët e ngarkuar me lëkurë të papërpunuar viçi.

LEXONI GJITHASHTU: 

• Aktivisti: 6 milionë euro në vit mblidhen nga gjobat, 4 milionë nga vendparkimet
• Plasin të qeshurat me Iva Tiçon: Këngëtarët klasikë nuk zihen sepse ruajnë zërin