Aktivisti: 6 milionë euro në vit mblidhen nga gjobat, 4 milionë nga vendparkimet

Aktivisti Rigels Xhemollari tha për “Good morning Albanians” në Euronews Albania se 6 milionë euro në vit mblidhen nga gjobat për parkime të gabuara nga policia bashkiake.

Ai shtoi se nga tarifat e vendosura për vendet e parkimit mblidhen 4 milionë euro.

“Më shumë mblidhen nga gjobat se sa nga tarifat e parkimit. Ky është tregues shumë interesant sepse ne kemi një ushtri në rrugë me policë bashkiakë dhe bashkisë i leverdis më mirë në fakt që të vjelë gjoba se parkim,” – u shpreh Xhemollari.

Ndërkaq, gazetari Igli Çelmete theksoi se që prej vitit 2011 deri më sot në vendin tonë kanë ndodhur 8 vrasje dhe 21 plagosje vetëm për vendin e parkimit.

Vrasja e parë ka ndodhur më 10 gusht të vitit 2011 në Sarandë ku një njeri vrau një 79-vjeçar më thikë.

LEXONI GJITHASHTU:

• Gjoba e nënës lehonë, shpërthen juristja: Si japin atë vlerë, pa bërë asnjë vlerësim
• Taksisti: Kemi mbi 30 procese gjyqësore me qytetarët që na zënë vendet e parkimit